Kabanata 66
HINDI inasahan ni Althea na magiging ganoon ang pasya ni Homer lalo pa’t para sa lalaki lang naman ang kanyang ginawa. Hindi niya inasahan na mas pipiliin nito si Clarisse at ang anak nila gayong may marami namang paraan upang makuha ang bata.
Ang payo sa kanyan ng kanyang ama at kapatid ay pumunta na muna sa Europe upang doon palakihin ang bata at umuwi kapag maayos na ang lahat at kaya na niyang harapin muli si Homer. Kahit na sa sobrang sakit na ginawa ni Homer sa kanya ay ni minsan hindi niya inisip na ilalayo si Savier at hindi nito ipakilala ang lalaki sa anak bilang ama. Kailangan niya lang muna magpakalayo-layo upang makapag-isip at makapag-unwind. Gusto niya ring matutunan ni Homer kung gaano sila kahalaga sa lalaki. Hindi iyong parati lang silang nandoon kung kaila
