Kabanata 27
PATUNGO na sila ng mansyon at kagaya pa rin ng dati ang pakiramdam ni Althea. Kinakabahan pa rin siya makaharap ang mga Montecilio. Iwan ba niya kung bakit ganito ang pakiramdam. Talagang kagalang-galang lang talaga ang mga ito sa kanya. Bukod na nabiyayaan ang mga ito ng hitsura. Mayaman pa ang mga ito.
“Okay ka lang ba?” tanong ni Homer sa kanya habang nagmamaneho ito. Paminsan-minsan ay napapatingin ang lalaki sa kanya ngunit nakatuon ang sarili nito sa harap ng daan dahil nagmamaneho ito at maraming sasakyan sa daan.
“Oo, medyo kinakabahan ako, e. Iwan ko ba, na-meet ko na naman ang pamilya mo ngunit kabado talaga ako sa kanila, e.”
Natawa si Homer sa kanyang sinabi. “As far as I know hindi naman sila nangangagat kaya okay lang. At hindi ka naman nila pini-pressure hin
