Kabanata 40
AYAW man lisanin ni Althea ang aiwang bahay ng kanyang pamilya ay wala na siyang magagawa pa. Dahil sa kanyang paghahangad na magkaroon ng mas tahimik na buhay ay lumipat siya ng matitirhan. Kanyang kinausap si Attorney Dominguez sa kanyang balak na bumalik ng Bohol upang hanapin ang kanyang totoong pagkatao at nagbabakasakali siyang makilala pa roon ang kanyang totoong ama. Sa buhay niya ngayon ay kailangan ni Althea nang masasandalan at makakasama sa buhay. Kaya niyang mabuhay mag-isa pero sa kanyang sitwasyon na nagdadalang tao ay mayroong pangamba sa kanyang sarili. Unang beses pa lamang niyang magdadalang tao kung kaya’t wala siyang gaanong karanasan.
Pumayag naman ang abogado sa kanyang balak na pumuntang Bohol. Naibigay na nito ang kompletong address ng bahay na binil
