Kabanata 20
TILA ba napapabilis ang mga pangyayarin buhay ni Althea. Hindi niya inakala na sa pagdating nila sa Bohol ay makikilala niya ang mga respetadong pamilya sa buong probinsya. Sobrang bait ng mga ito at talagang walang mapipintas sa mga Montecilio. Higit pa roon ay tila mas naging malapit si Althea kay Homer Montecilio. Isang modelo na hindi matanggap-tanggap ang mga nangyayari sa nakaraan. Siyempre, hindi rin ito masisisi ni Althea sapagkat hindi pare-pareho ang approach ng tao kung paano i-resulba ang mga problema.
"Napatulala ka? Hindi ba masarap ang pagkain?" tanong ni Homer nang mapansin siya nitong nakatulala lang habang nakaharap sa pagkain.
"Sira, sobrang sarap nga ng mga pagkain dito, e. Parang daig pa nito ang mga pang world class na restaurant," aniya sa lalaki saka
