Kabanata 44
MUKHANG sa lahat ay sila yata ang pinakahuling dumating upang dumalo ng hearing. Nandoon ang mga iilang media upang makinig at dumalo. Tumabi silang dalawa ni Kelvin sa abogado na kung saan una pa niyang nakita. Palihim na humugot ng butong hininga si Althea dahil hanggang ngayon ay kinakabahan siya. Well, hindi niya talaga alam kung ano ang kanyang sasabihin sa kaso na ito dahil kahapon, hindi siya sumama kay Kelvin upang kausapin ang abogado. Biglang sumama ang kanyang pakiramdam at marahil dahil iyon sa kakaisip niya sa mangyayari ngayon.
Palihim na napatingin si Althea sa gawi nina Homer. Seryoso ang mukha ng dalawa at nakatingin lang ang mga ito sa judge. Nang mapansin ng lalaki na mayroong nakatingin rito ay kaagad na siyang nag-iwas ng tingin. Iginalaw niya ang kanyang
