Elizabeth Cruz's POV
Dumating na ang araw na kung maaari lang sana ay hihilingin kong huwag nang sumapit pa.
Mabigat ang kalooban at tila pinagbagsakan ng mundo kong isinara ang maletang naglalaman ng mga damit ko at iba pang gamit. Pag-aari pa ito noon ni Papa kaya naman luma na ito, ngunit dahil maingat gumamit si Papa ay matino pa naman ang hitsura nito. Idagdag mo pa riyan na madalang lamang itong gamitin.
Pabuntong-hininga kong inilibot ang mga mata ko sa kwarto namin ni Skye. Sa tatlong kwarto sa dalawang palapag naming bahay ay ito ang pinakamaliit. Noong nabubuhay pa ang mga magulang namin ay ito ang bodega. Ang kwartong gamit ni tiyang ang tiyong ay ang dating kwarto nila Mama at Papa. Ang kwartong gamit naman ng tatlong magkakapatid ay dati naming kwarto ni Skye.
Kung tutu
