Matapos ng proposal sa akin ni Crisler ay inasikaso agad namin ang kasal namin dalawa. Lalo na si Mama na excited na excited sa kasal ko.
Na-kwento sa akin ni Crisler na kaya lumabas sila ni Papa noon ay dahil kinausap niya raw ito tungkol sa proposal niya. Akala niya nga raw ay may gagawin sa kaniya si Papa noon pero nagulat daw siya ng yakapin siya ni Papa tapos tinapik ang balikat niya. Matapos noon daw ay nag-inuman silang dalawa kaya umuwi silang lasing na lasing noon.
Kinuntsaba niya rin si Papa about sa proposal niya para hindi raw mahalata. Mabuti nga ay pinabihis nila ako ng magandang damit noon dahil nakakahiya kung hindi, dahil lumabas sa tv ang proposal ni Crisler noon. Balitang-balita iyon.
Matapos ang limang buwan na preparation ay ikakasal na kami. Handa na ang lahat.
