Kunot noo akong bumalik sa table namin at mukhang napansin iyon ni Allan.
"May problema ba?" Tanong niya sa akin. Tumingin naman ako sa kaniya bago tipid na ngumiti at umiling.
"Wala naman," sagot ko sa kaniya.
Mayamaya ay bumalik na rin sila Ashley at Crisler, nakahawak sa braso ni Crisler si Ashley habang nakatingin sa akin ng masama kaya inirapan ko naman siya. Nang mapatingin ako sa tabi ko ay nakita ko si Aldrich na nakatingin sa akin, nang mapansin niya akong nakatingin sa kaniya ay nginitian niya ako. Nakita niya yata ang pag-irap ko kay Ashley.
Mayamaya ay nag-ring ang cellphone ko na nasa purse ko, kinuha ko iyon at tiningnan ang tawag nang makita ko na si Aling Celsa iyon ay tumingin ako kay Allan kaya napasilip din siya sa cellphone ko.
"Sagutin mo na baka emergency," nag
