Naglakad palayo ng rest house si MK at bumalik sa kanyang inuupahang cottage. Paroo’t parito siya sa loob ng kanyang cottage habang nag-iisip ng susunod na hakbang. Hindi siya titigil hangga’t hindi niya nakakausap si Tina. May kasamang alak ang inorder niyang tanghalian at pagkatapos kumain ay maya’t-maya niyang tinutungga ang alak hanggang sa mag-init ang kanyang sistema. Muli siyang lumabas ng cottage at naglakad patungo sa private rest house. Makikiusap siyang muli na ipakausap sa kanya si Tina. Bigla siyang napatingin sa dumaan na sasakyan, ‘parang kilala ko yun,’ wika niya sa sarili. Napatigil siya sa paglalakad ng huminto ang sasakyan sa tapat ng rest house na puti at nagkubli siya sa isang puno ng niyog upang siguruhin ang kanyang hinala. Uminit ang kanyang bumbunan ng makilala ang
