Umaga, sa hardin ni Momsie. Naglalakad-lakad si Tina habang isa-isang tinitingnan ang mga magagandang bulaklak. Inoobserbahan ni Tina ang buong angkan ng mga Portman. Lihim siyang nainggit sa bonding moment ng mga ito. Habang nasa orchidarium ni Momsie ang mga kababaihan ay nasa basketball court naman ang mag-aamang Portman at dalawang in-laws. Sadyang biniyayaan ang mga ito ng magagandang mukha at matitikas na pangangatawan. Ngunit nangingibabaw sa kanyang paningin ang matipunong katawan ni MK. Pakiramdam niya ay bukod siyang pinagpala dahil ang matagal na niyang hinahangaan na celebrity na tanging sa cellphone lang niya natititigan ay naangkin niya. Lihim siyang kinilig dala ng kanyang iniisip.
“Good morning, Tina.” Binati ang dalaga ng isang babaeng buntis na nakaupo sa loob ng gazebo
