السبع بنات

الفصل السادس

روايه السبع...بنات

للكاتبه ايه عبده النجار (ورد)

الحكايه السادسه

____________

ايه ياجماعه هي روايتي دي مش عجباكم ،

طيب يمكن لان غيرت طريقته سردي شويه،

معلش انا حابه التغير ده وقصداها عشان مبقاش

متشابهه في كل رواياتي **رد واحد وحوار واحد،وبعدين الروايه طويله كاحداث لو ضفت سرد بقي حتبقي ٢٠٠حلقه مش ١٠٠..

بالنسبه للروايه فهي تأخذ الطابع الاجتماعي والأسري اكتر وفيها حواديت بتحصل في بيوتنا يوميا ..

وبإذن الله الأحداث حتظهر في الحلقات القادمه وحيظهروا ناس كتير ،بس انتو ثقوا. فيا متابعه بقي وتفاعلوا ..

_____________________

بعد اسبوعين علي السفره جالسون يتناولون العشاء

اروي: مبتكليش ليه يا ايه

ايه: مبحبش الكوسه

اروي: اه معلش ياحبيبتي طيب كلي فراخ ومكرونهة اصل اسما واسيا بيحبوا الكوسه جدا

ايه: طيب وانا

احلام بحدة: ايه كلي بلاش دوشة

ايه بغضب: طيب باكل اهو

احلام : ايه اخبارك يا اميرة في الشغل

اميرة : الحمدلله ياماما الشغل تمام وباذن الله لما اخلص المشروع الي في ايدي دى هاخد مكفاه كويسه

ايه: اشطا هتجبيلي حاجة حلوة

اميره: طبعا بس ادعولي

احلام : ربنا يوفقك

اروي: ربنا يسعدك يا حبيبتي

اميره: يارب

احلام: اسيل مالك

اسيل: مفيش ياماما

اروي: صحيح يااسيل من الصبح بتقلبي في طبقك ومبتكليش وليكي مده كده

اسيا: المفروض تبقي فرحانه انك ناجحة وجايبة اعلي الدرجات..

اسيل: بحزن مفيش

احلام: اسيل متخبيش عننا قولي مالك

اسيل بدموع: نتيجه التنسيق ظهرت

اروي: طيب كويس اكيد اتقبلتي

اسيل: التنسيق طلع طب بطري في محافظه في الصعيد

اروي: ايه الصعيد

احلام: وجامعه القاهره

اسيل: مجموعي صغير علي طب القاهره

اميره: خلاص خشي علوم

اسيا: او زراعه

اسما: متخشي حقوق طيب

اسيل بدموع: طيب اتا حروح انام تصبحوا علي خير

اروي: مسكينه طول عمرها بتحلم بطب بطري

ايه: حلم ايه حتطلع دكتوره بهايم

اسيا: دي دكتورة ياعيلة

ايه: انتي الي عيلة

احلام: بس يلا خلصتوا اكل علي اوضكم

خلصوا اكل وكل واحده دخلت اوضتها ماعدا احلام ظلت سارحة جالسة مكانها

اروي: ماما مالك

احلام: مضايقه عشان اسيل

اروي: طيب والعمل حتسيبيها تدرس هناك

احلام: مقدرش واحده منكم تبعد عني

اروي: مهو الهام مجوزة بعيد عننا

احلام: اد*كي قلتي مجوزه يعني مش لوحدها

سمعت حديثهم فاقتربت من والدتها تجلس بجانبها لتقول

اسيل: بس انا كبرت واقدر احافظ علي نفسي

احلام بحزن: لا لسه صغيرين كلكم صغيرين حتي اروي وحتفضلوا في رعايتي

اسيل: كل اصحابي مسافرين بلاد بعيده مش انا بس

اروي: وافقي ياماما عشان خاطري

احلام: مقدرش اسيبها في بلد بعيده منعرفهاش ولا نعرف ناسها لوحدها

اروي: انا اسمع ان ناس الصعيد كويسين وجدعان وبعدين رب هنا رب هناك وانتي تروحي معاها توصليها وتطمني علي مكانها وكل يوم نكلمها فون وهي حتجيلنا كل اجازه

اسيل بتوسل: ايوه ياماما وافقي وحياتي عندك

احلام: بدموع مقدرش انتي بالذات يااسيل لو عدا يوم ومشفتكيش اتخنق

حضنتها اسيل لتقول بحزن

اسيل: حبيبتي ياماما واتتي كمان مقدرش علي بعدك بس اعمل ايه دراستي كده

احلام: يعني مصممه

اسيل: عشان خاطري متصعبيش عليا الموضوع

احلام: خلاص سافري

اسيل: يعني اقدم في الكليه

احلام: ماشي يااسيل حنروح سوا نقدم واحجزلك سكن هناك

اسيل بفرحه: ماشي

اروي: مبروك يادكتوره

اسيل: الله يبارك فيكي يارورو عقبال يوم فرحك يارب

احلام بترجي :يارب

-----------

في الصباح في الشركة

داخل مكتبها جالسة اقترب منها ليقول

ذكريا: صباح الخير

اميره: صباح الخير

ذكريا: معلش اتاخرت

اميره: طيب

ذكريا: انا لسه مفطرتش تيجي نفطر سوا

اميره: لا شكرا

اثناء حديثهم دخل محمد

محمد:صباح الخير يابشمهندسين

اميره بابتسامة: صباح الخير يابشمهندس اتفضل

محمد: شكرا ايه اخبارك يا ذكريا

ذكريا: الحمدلله شكرا علي الثقه دي يا بشمهندس

محمد: علي ايه انت زي اخويا انا جيت عشان اعزمكم علي خطوبتي

اميره بصدمة: علي ايه

محمد: خطوبتي ياباشمهندسه الخميس الجاي

ذكريا: الف مبروك

محمد: الله يبارك فيك عقبالك وعقبالك يابشمهندسه

خرج وتركهم بعدما استأذن..

ذكريا: مالك يااميره

اميره: انت مالك وبعدين ايه اميره دي انت نسيت نفسك

القت تلك الكلمات ثم خرجت من المكتب متجها الي سهي

سهي : مالك يااميره

اميره: شفتي اللي حصل

سهي: ايه

اميره: البشمهندس محمد حيخطب

سهي: اه مهو عزمني وانتي مضايقه ليه ما طبيعي يخطب

اميره: انتي عارفه اني بحبه

سهي: اميره بلاش تضحكي علي نفسك انتي مبتحبوش انتي بتحبي شهرته ونجاحه

اميره: ايوه وماله يعني

سهي: سيبك منه خلاص اللي حصل حصل

اميره: بالسهوله دي

سهي: هو الراجل كان وعدك بحاجه مثلا

اميره: لا

سهي : طيب يعني مغلطش ولا ضحك عليكي انسي الموضوع وركزي في الشغل

اميره: ماشي

تركتها واتجهت الي مكتبها فوجدته جالس يقلب في الاوراق

اميره: بتعمل ايه

ذكريا: بدرس المشاريع

اميره: مين سمحلك

ذكريا: احنا مش لسه متفقين امبارح نشتغل سوا

اميره: غيرت رايي

ذكريا: طيب عن اذنك انا حروح للمهندس ينقلني مع حد تاني

اميره: يستحسن بردوا

خرج وتركها ليقف أمام الباب ليقول بابتسامه

ذكريا: ايه البنت المجنونه دي هههههه بس جنانها حلو وزي القمر

في بيت احلام.....

استعدت للسفر لمحافظة سوهاج

ايه: خديني معاكي

احلام: ايه يا حبيبتي يوم واحد وراجعه بكره

اسما: ماما انتي عمرك ما بعدتي عننا ساعتين حته

احلام: معلش يابنات حشوف كليه اختكم وسكنها ونرجع انا وهي، اروي خلي بالك من اخواتك

اروي : حاضر يا ماما اطمني خلي بالك من نفسك اتتي واسيل

احلام : حاضر يلي لا اله الا الله

جميعهم: محمد رسول الله