Inihatid ni Onyx si Caroline ng gabing iyon sa kaniyang unit sa Aeona Towers pasado alas siyete ng gabi. Kakauwi lamang nilang dalawa galing America ng araw na iyon. Dinala ng binata ang dalaga sa opisina ng UN doon para tumayo bilang testigo.
Doon isiniwalat ni Caroline ang lahat ng taong alam niya na may partisipasyon sa kalakalan ng bawal na gamot sa buong Timog-silangang Asya. Isinailalim siya sa halos tatlong oras na pakikipanayam. Lahat ng sinasabi niya ay nakarecord. Pinakitaan din siya ng mga larawan ng mga hinihinalang drug lords at positibo niya itong kinilala. Dahil sa kaniyang pakikipagtulungan ay naglabas ang Peacekeeping force ng witness protection order sa kaniya.
Binigyan din siya ng mga kagamitang magbibigay sa kaniya ng protection h
