Sa kalasingan ni Mari, wala na siya sa sarili nang itanong niya 'yon. Ni hindi na nga niya alam kung tama pa ba 'yong English niya. Baka pinagtatawanan na siya ngayon, pero wala na siyang pakialam. Antok na antok na siya. Gusto na niyang matulog.
"Good night, Sir K," bulong niya sa sarili. Ngunit bago pa man lumapat ang ulo niya sa sahig, may sumalo rito.
"Hey, miss? Are you okay?" tanong ni Khalil, puno ng kuryusidad ang mga mata.
Nagawang imulat ni Mari ang kaliwang mata. "S-Sino ka naman?"
"Naku! Ako na po diyan, Sir Khalil. Pasensya na po at ito pa ang nabungaran niyo," agap ni Aling Lolita, nanlalaki ang mga mata habang nakatingin kay Mari. Lumuhod ito sa tabi ng ulo ng dalaga at marahang tinapik-tapik ang pisngi. "Mari, anak, bumangon ka diyan."
Mahina siyang umiling. "Dito na p
