CHAPTER 10.
Pagkatapos ng halos limang buwan kong pagtatrabaho dito ay unti-unti ko nang nagiging kaibigan ang mga iba ko pang kasamahan. Sa first floor ay kilala na rin nila ako at sa ibang floor ay may kilala na rin ako. Alam ko na rin ang mga pasikot-sikot sa hotel at nama-master ko na ang ibang gawain na di ko pa kayang gawin. 'yon nga lang kahit na anong pakisama ko sa janitor na 'to na si Nelyn ay hindi pa rin kami nagkakaayos o sabihin na nating hindi kami close. Parang may sariling mundo siya 'e hindi namamansin at suplada.
Abala ako ngayon sa paglinis ng huling kwarto para hindi ko na balikan pa mamaya at kapag may guest hindi na sila maghintay pa. Pagkatapos kong i-ayos ang kama, palitan ng bedsheet at kumot ay diretso naman ako sa banyo at dun nilinis ang kubeta at nagpalit n
