“Kapatid kong maganda, hindi makakauwi ang ate ngayong gabi. Mag-lock ka ng mga pinto at bintana natin sa bahay, ah. Bukas na ako makakauwi. Medyo may problema kasi ang kaibigan ko kaya dito muna ako sa kanya magpapalipas nang gabi”
Message sent!
Nakaupo pa rin siya sa sala at naghihintay ng reply ni Marites. Nakanguso siya habang nakakuyakoy ang mga binti. Ugali niya iyon. Relaxation na rin ng mga binti niyang pagod maghapon na nakatayo.
Ilang sandali pa ay nagreply ang kanyang kapatid.
“Naku! Kung hindi ko pa alam, nagsisimula ka nang lumandi ate! Sige, go lang, basta huwag mong kalimutan, huwag muna isuko ang Bataan, ah? Lagot ka sa akin!”
Napamaang ang dalaga sa nabasang reply sa kanya ng kapatid.
“Ay! Gaga! Ang advance mag-isip, ah?” kausap niya sa cellphone niya.
Hindi
