Chapter 50
"Kamusta ang araw mo Elliot?" ngiting tanong ni Havier.
Kanina pa inaabangan ni Havier si Elliot na umuwi at naghintay na naman siya sa tindahan ni Manh Diego. Sa nakita niyang pagbaba ni Elliot ay napakunot noo siyang nakatingin dito dahil nakita niyang nakasuot lang ito ng maluwang na sandong puti.
Kita ni Havier na may dala rin itong puting paper bag. Hindi nga lang niya alam kung anong laman iyon. Lihim na lang siya napamura sa kanyang sarili dahil kung makaisip siya tungkol kay Elliot ay parang kasintahan na niya ito.
"Maayos naman. Nakipag-birthday ako sa kapatid ng katrabaho ko. Ikaw kamusta ka na?" ngiting tugon ni Elliot.
Dagdag pa ni Elliot na iniimbitahan niya si Havier na kumain sa bahay niya dahil may dala siyang spagetti at puto galing sa handaan ni Hershe
