“Aldrin!” habol ni Vionne sa nobyo. “Nay, tapos na naman kami kumain, pasuyo na lang ho. Babawi ako bukas!”
“Ewan ko sa inyong dalawa. Kanina ko pa napapansin, mukhang may toyo iyang si Aldrin, hindi maipinta ang mukha at sa pagka intindi ko, may problema kayong dalawa!” pananakot ni Aling Selina sa anak. Kinabahan naman si Vionne na posibleng tama ang hinala ng ina.
“H-Ho? Ano naman ang magiging problema namin kung sakali?” kunot ang noo ni Vionne na tanong sa ina.
“Paano ba naman anak, panay tingin niya sa mga daliri mo. Nasaan ba kasi ang singsing na bigay sa’yo ni Aldrin?” usisa nito sa kanya sabay iling. Kanina pa napapansin ni Aling Selina na hindi mapakali si Aldrin at parang sinisilaban ang pwet sa upuan.
“Oo nga pala, naku! Salamat Nay!” agad na bumalik sa kwarto niya si Vio
