KABANATA 34
MASAYANG masaya ako nang matapos ang huling radiotherapy session ni Nicole. Ngayong araw ‘yon at suportado pa ng pamilya ni Aaron dahil maging sila mismo ay sinamahan kami, ang balita ko ay marami rin yata silang resident doctor na kakilala rito na pwedeng bisitahin ngayon kaya pagkatapos ng session ay nagpaalam muna ang mga ito na magtutungo roon.
Hindi halos matanggal ang ngiti sa aking labi at panay ang plano ko sa mga pwede nang mairesume ni Nicole na bagay kapag tuluyan na siyang naka recover.
Nagpasalamat kami sa private doctor na tumitingin sa kaniya at malinaw na sinabi nitong so far ay magandang maganda ang progress ng naging therapy sa tumor cells ni Nicole, hindi magtatagal ay pwede na ulit itong mamuhay nang normal kapag natapos ang side effects sa kaniyang kata
