KABANATA 36
MALALIM NA huminga ako saka nilingon si Aaron na nakaupo sa driver’s seat ng kaniyang kotse. “Okay naman ba ang hitsura ko? Hindi ba ‘ko halatang ngarag?”
Sinipat ko ang makeup ko sa salamin, puyat kasi ako at medyo pagod pa pero kailangan ko nang magpakita ngayon sa meeting na sinabi ni Sir Ariel. Nagulat pa ako dahil ang meeting ay hindi sa La Satina Hotel mismo kung hindi sa Ferrer Holding Company building.
Si Charles daw ang nag request niyon at mukhang wala pa rin yatang balak na itigil ang mga ginagawa niya makita at makausap lang ako ulit.
“Girl, palaging okay ang hitsura mo ‘wag ka nang tanong nang tanong diyan, unfair sa kagaya kong maganda lang kapag may makeup.” Aniya saka naglagay na naman ng face powder sa mga pisngi.
Kababalik lang kasi namin kahapon lang
