Date: September 05, 2021
KABANATA 13
HALOS MALAGLAG ang panga naming dalawa ni Kael nang buksan niya ang pinto ng bahay. Hindi na kami halos nakaalis ng pintuan sa sobrang gulat sa bumungad sa ‘ming hitsura ng buong salas.
Sobrang gulo!
Nagkalat ang mga gamit, ang mga pillowcase ay nasa sahig habang ang buong couch ay hindi na pantay sa pwesto nito. May mga natapon ding pagkain at mga chichirya sa floor at ang pinaka-malala ay ‘yung mantsa ng nabasag na mga itlog sa mismong screen ng malaking hanging flat screen tv.
Naaktuhan pa namin ang tatlong batang lalaki na hanggang beywang ko lang yata ang tangkad at kutis porselana ang mga balat, na naghahabulan kasama si Popoy. Ang lahat ng gamit sa bahay na madaanan nila ay literal na tumutumba, nahila pa no’ng isa ‘yung malaking kurtina k
