MALILIIT NA PATAK ng ulan ang sumalubong sa akin nang dumungaw ako sa bintana ng aking silid. Kaaakyat ko lang dahil nag-tanghalian ako nang kasama sila Camille. Hindi ko napansin kanina na may pagbabadya ng pag-ulan ngayon dahil naging abala ako sa pakikipag-usap sa aking mga kasama at ngayon ko lang nakita ang panahon.
Makulimlim. Pansin ko ang pag-unti-unting paglakas ng patak ng ulan hanggang sa lumabo nang bahagya ang paligid dala nang paglakas nga ng ulan. Sinara kong muli ang kurtina at naupo sa kama.
Nakaayos na ang mga kagamitan ko at naghihintay na lang ng oras para sa pag-alis namin. Mamaya pang hapon kasi ang byahe.
Simula kanina ay hindi ko pa rin nakikita si Dale. Mukhang busy yata siya ngayon kaya hindi ko nakikita ni anino niya na pagala-gala rito sa hotel. Hindi ko nama
