NAPATINGALA si Jianna sa glass tower ng gusali na pag-aari ng kaniyang asawang si Marsean at naroon ang opisina nito nang makababa siya sa taxi. Malayo ito at hindi niya alam kung pauuwiin ba agad siya ng asawa kaya hindi na siya nagpahatid sa driver.
Dalawang araw na itong hindi umuuwi o nagpaparamdam man lang. Ni hindi sinasagot ang mga tawag niya, ang text messages niya. Kaya napilitan si Jianna na puntahan ito sa penthouse nito sa New York kahit pa nga ayaw sanang magpaiwan ni Sofia. Mabuti na lang at dalawang araw walang pasok sa eskuwela nito si Gale.
Nag-aalala na kasi siya.
Kaya kahit malayo at sobrang lamig ngayon sa lugar na iyon dahil buwan ng Enero, kung saan may pinakamataas na snowfall, pumunta pa rin siya.
Gusto na rin niyang ipaalam na nakita niya si Luther. Para la
