NAKANGITING IHINAIN ni Jianna ang hot chocolate sa mesa. “Pasensiya ka na sa maliit na kusina namin,” sabi niya kay Luther na nakaupo.
Four-seater lang ang mesa at maliit lang din ang kusina nila. Dahil matangkad ito at malapad ang katawan kaya lalong sumikip ang kinikilusan niya.
Ngumiti ito. “Okay lang. Para namang hindi mo alam na mas maliit pa dito ang tinitirhan ko noon.”
Tiningnan niya ito nang nakangiti rin bago siya umupo sa katapat na upuan nito. Gatas naman ang tinimpla niya para sa sarili. Mabuti na lang at tulog na si Gale. Nakatulog na raw sa paghihintay sa kaniya sabi ni Nana Olyn. Natulog na rin ang matandang katiwala nang dumating siya.
“Sorry, ha? Pero paano ka nga pala… hmmm—”
“Yumaman?” dugtong agad ng binata.
Tumango siya.
“Sipag at tiyaga lang. Noong nasira ang
