Kinaumagahan, isang araw na naman para sa pagpasok ni Loisa. Hindi man siya gaanong nakatulog kagabi ay minabuti pa rin niyang gumising ng maaga dahil sa preparasyon nilang gagawin ngayon sa kanilang eskuwelahan at may praktis pa sila para sa gagawing pagpaso nila sa nalalapit na nilang pagtatapos. Excited man siya ngunit may bahid iyong lungkot. Dali-dali na siyang nag-ayos at dinala ang mga dapat niyang dalhin. Mabilis na niyang nilisan ang kanilang tahanan kahit na alam niyang pagtatakhan siya ng mga kapatid dahil seryoso ang mga kilos na ginagawa niya sa loob ng kanilang bahay simula no'ng nakauwi na siya. Marami siyang inatupag at inasikaso. Tila tarantang-taranta pa siya dahilan para sa mabilisan niyang gawin ang mga dapat niyang gawin. Ilang araw rin kasi ang nasayang nang iniukol n
