"Kung may nilihim man kami sa 'yo, Elyse dahil iyon ang kailangan. Hindi dahil ginusto naming ilihim sa 'yo ang lahat. Kundi pinili namin iyong gawin para protektahan ka."
"Pero, Nay—"
"Shawn, magsara na tayo ng tindahan," mabilis na utos ni nanay at pinutol na kaagad ang sinabi ko. "Sa bahay na tayo mag-usap," dagdag niyang wika at wala na akong magawa kundi respituhin ang nais niya.
Tahimik lang si Nanay habang tumutulong sa pag-aayos ng tindahan.
Nasa tabi ko lang si Hydee at wala na rin akong narinig pa mula sa kanila.
Pagkatapos nilang magligpit at kaagad naman akong inalalayan ni Shawn palabas ng tindahan dahil mahihirapan sa akin si Hydee.
"Ayos lang ako, Shawn," sabi ko pero para siyang walang narinig.
Saka niya lang sinara ang tindahan nang hawakan na ako ni Hydee.
Kahi
