Hindi ko maipaliwanag ang init na nararamdaman ko ngayon sa buo kong katawan.
Para akong niluluto o binibilad sa gitna ng araw.
Na naging dahilan kung bakit hanggang ngayon ay hindi pa rin ako makatulog.
Medyo sumasakit na rin ang ulo ko dahil sa tulog na hindi ko makuha-kuha.
Sa mga oras na ito ay dapat tulog na ako kanina pa.
Pero parang sinisilaban ang loob ng katawan ko sa init na hindi ko alam kung saan nanggagaling.
Ang mga mata ko, ilong, ang aking bibig at maging ang aking mga tenga ay may init na lumalabas na nagmula sa aking loob.
Nararamdaman ko ang init na nagmula sa akin pero kakaiba ito.
Ngayon ko lang ito nararanasan buong buhay ko. Umabot na ako sa ganitong edad pero ngayon ko lang ito nasubukan.
Pinakiramdaman ko ang aking sarili ko ngunit wala naman akon
