NAGING MAAYOS naman ang sumunod na linggo para sa pamilya ni Roxanne. Patuloy sa pag-ganda ang kondisyon ng ama niya. May maintenance rin ito. Si Rocco ay masayang nag-aaral habang nagta-trabaho. Siya naman ay mas dumami ang customers at nakarating na ang kanilang panindang kakanin sa mga kainan.
May naiipon na rin na pera si Roxanne at Rocco. Para sakanila, ay maginhawa na nga ang ganitong buhay.
Minsan, isang araw habang inaasikaso niya ang inventory ay lumapit sakaniya ang kapatid. "May napapansin ka ba, ate?"
Napatingin siya rito at muling ibinalik ang tingin sa ginagawa. "Ano 'yun?"
"Si senyorito Giuseppe... parang binabakuran ka niya," anito sa mababang tinig.
Natawa siya. "At bakit naman niya gagawin 'yon?" Mga kalokohan talaga nitong kapatid niya.
"Ate, seryoso ako. Huwag m
