SAMANTALA, NALAMAN nalang ni Roxanne sa mga tauhan sa hasyenda na wala na pala ang senyorito Giuseppe. Narinig niya sa mga paguusap ng mga ito na umuwi raw ito para kitain ang nobya.
Hindi maipaliwanag ni Roxanne ang lungkot na nadarama. Parang dinakot ang puso niya at hindi siya makahinga. Hindi niya alam kung bakit nagkakaganoon siya. Basta ang alam niya naninikip ang dibdib niya. Gayunpaman, pinilit niyang magtrabaho at umakto na hindi siya naapektuhan. Ayaw niyang makahalata ang kanyang itay, lalo na ang pala-obserbang si Rocco.
At hindi pa talaga sito tinantanan ng mga chismis ng araw na ito. Habang nilalagay sa pick-up ang mga kakanin ay narinig ulit niya ang mga ale roon. "Kaya naman pala nagmamadali ang senyorito umuwi. Nakita ko na 'yan isang beses 'yung babae sinundo rito si s
