ANG NAKARAAN
Agad na tinignan ni Giuseppe ang resulta ng medical ni Roxanne. Kinakabahan siya sa magiging resulta n’yon. Sa totoo lang, ilang linggo na siyang hindi pinapatulog ng alaala kay Roxanne. Nakakapagtaka ngang ni hindi na sumasagi sa isipan niya si Ellen.
Sinadya niya talaga ang pagpapadala ng medical team sa hasyenda para malaman kung nagdadalang-tao ang dalaga. Hindi kasi siya mapalagay. Natitiyak niyang inosente ito sa ganoong bagay at hindi naisip na maaring mabuntis niya ito. Idagdag pa roon na hikahos ito sa buhay at walang kakayahan magpatingin sa doctor.
Nang makita niya ang resulta ng medical nito hindi niya alam ngunit nakaramdam siya ng panghihinayang.
Really, Giuseppe? At nanghinayang ka pa? Nalolokong tanong ng isang bahagi ng isip niya.
At talagang may gana pa
