INAKALA NI Giuseppe na tuluyan na niyang natibag ang pader na nasa pagitan nila ng asawa. Saan-saang sulok na ng bahay ang napwestuhan nila. Akala niya, rumeresponde na si Roxanne sa kanyang mga paglalambing. Ngunit akala lang pala niya iyon...
Naging mapusok ang bawat halik na iginagawad ni Giuseppe sa kanyang magandang asawa. Gigil na gigil at kitang-kita ang pananabik. Hindi na napigilan ng lalaki ang kontrol sa sarili at sinapo ang kanyang dalawang puwitan at pinisil.
Napaungol pa silang parehas dahil doon.
Nasa blusa na niya ang kamay nito at handang tanggalin ang mga butones doon nang marinig nila ang pagbukas ng main gate. Sabay pa silang napatingin sa labas.
Mula sa bintana, kita nila ang pagpasok ni Rocco bitbit ang mga plastic bags.
Para silang binuhusan na malamig na tubig
