PUNO NG PAGDUDUDA ang mukha ni Rocco nang makaalis si Giuseppe. Papasok na sana ng kwarto si Roxanne ngunit sumunod doon ang kapatid. Pabalibag na isinarado nito ang pinto.
"May relasyon ba kayo ng senyorito Giuseppe, ate?" prangkang tanong nito.
Nanlaki naman ang mga mata niya. "Ano ba ang pinagsasabi mo r'yang bata ka?"
Ngunit nanatiling seryoso ang ekspresyon nito. "Sagutin mo nalang ate,"
Kinuha niya ang panali sa buhok at pinusod. "Ano bang klaseng tanong 'yan, Rocco? Malamang wala."
"Talaga? Eh bakit hinatid ka niya rito?"
Ikinumpas niya ang kamay sa ere. "Huwag na maraming dada, Rocco. Hinatid lang ako dahil nagsabi siya saakin na nagustuhan daw ang kakanin na tinitinda natin. At baka gawin tayong supplier ng mga maliliit na tindahan,"
Namilog naman ang mga mata nito. Nawal
