ISANG ARAW AY binulabog si Roxanne nang mga tauhan sa hasyenda. “Roxanne, hija! Pinapatawag ka sa mansyon. Bilisan mo,” utos sakaniya ng isang ale na bagamat kilala niya ang mukha ay hindi naman niya kilala ang pangalan.
Kinabahan naman siya at nagkatinginan sila ni Rocco. “P-Po? Bakit daw po…?” takot na tanong niya.
“Tungkol daw sa kakanin mo, kaya sige na lumarga na. Ayaw ng senyorito na pinaghihintay siya,” iyon lang at umalis na ito gamit ang kabayo sa hasyenda.
Nanginginig na napakapit siya sa kaldero. “B-Bakit kaya ako pinapatawag…?”
Kinabahan din si Rocco para sakaniya. “Baka naman ate panis na ‘yung kakanin o kaya baka may na food poison…”
Namutla si Roxanne sa narinig. Kung ganoon nga, ay hindi niya alam kung ano ang gagawin. Tiyak niyang hindi niya makakayanan sagutin ang mg
