This is one of those rare days.
Napilit ni Ashley na lumabas at gumala sa may picnic park ng subdibisyon si Via. At dahil may pasok ngayon sa trabaho sa eskwelahan si Oliver, naging girl's date nilang dalawa ni Via ang araw na iyon. Kaninang umaga ay tinulungan siyang maglaba ni Via at maglinis ng bahay. Kahit puro paglalaro ng bula lang naman ang ginawa nito, natuwa pa rin siya roon. Ito rin ang naging tikim niya ng kaniyang iniluluto.
Ngayon naman heto siya, nakasandal sa puno at nagbabasa ng libro, samantala si Via naman ay ginawa siyang subject; ipinipinta siya nito sa ipad nito habang kumakain ng sandwich. Naglatag sila ng banig sa damuhan kanina, at kahit na alas-tres 'y media na ng hapon sila umalis ng bahay—dahil pinatulog pa niya ang bata pagkakain ng tanghalian—at kasagsagan ng
