Isang malalim na buntong-hininga muna ang pinakawalan ni Ashley bago siya kumatok sa pinto ng kuwarto ni Oliver.
Sabado ngayon ng umaga at ngayon ang araw ng graduation day ni Olivia na gaganapin sa Recreational Center ng subdivision na iyon.
Kaya nga lamang, sa nakalipas na isang buong linggo ay nalimutan niyang sabihin iyon sa amo niya. Pinakaabala niya kasi amg sarili niya sa trabaho sa bahay na iyon at sa pag-aalaga kay Via, para lamang hindi niya maalala ang pagtatalo nila ng lalaki.
"Sir Oliver? Gising na po ba kayo?" Ilang ulit siyang kumatok sa pinto. Dapat kasi ay kahapon pa niya sinabi ang event na iyon sa amo niya. Bakit ba nawala sa isip niya? Mahalaga pa naman kay Via ang araw na iyon.
"Sir Oli—" Kakatok pa lamang sana muli siya nang bumukas na ang pinto. Naibaba niya ang
