"Huy, Oli," natigilan si Oliver sa pag-aasikaso ng class record niya nang marinig ang pagkatok ng kung sino sa pinto ng classroom.
"Hey, Dona," isinara niya ang class record niya. "What brought you here?"
Pumasok ang babae at naupo sa upuan ng isa sa kaniyang mga estudyante. Kanina pa talaga nagsiuwian ang mga estudyante niya. Nagpaiwan lamang siya roon upang tapusin ang mga trabaho niya. Balak niyang tapusin iyon. Ayaw kasi niyang mag-uwi pa ng trabaho sa bahay.
Ipinatong ni Dona ang dala nitong bag sa ibabaw ng desk. "Bakit di ka pa umuuwi? At saka nakuha mo na ba iyong t-shirt mo para seminar natin sa Cavite?" Tanong nito.
"Oo, kanina pagkatapos ng lunch break. Dumaan ako sa office ni Mrs. Felomina para kuhanin kanina," sagot niya. "Ikaw? Bakit hindi ka pa umuuwi?"
"Pauwi na nga sa
