(Afiah)
"Kumusta kana?" nakangiting tanong ng isang lalaki sa akin. Ginusot ko ang aking mga mata. Sinisiguro ko na kilala ko sya.
"A- Alfred?" sambit ko sa kanyang pangalan.
"Oo. Ako nga." ngumiti sya, pero napalis din agad iyon. Pinasadahan nya ako ng tingin. Awa at galit ang nababasa ko sa kanyang mga mata.
Pinalinga ko ang aking mga mata. Alam kong nasa hospital ako ngayon.
"What happened Afiah? God! Muntik na kitang masagasaan. Bakit ganyan ang hitsura mo?"
May galit sa boses nya. Pero nababasa ko ang pag- alala sa kanyang mga mata.
Hindi ko sya sinagot. Hindi ko alam kung paano sya sagutin. Napatulo na naman ang aking mga luha. Awang- awa syang nakatitig sa akin.
Alam kong may gusto syang sabihin. Pero hindi nya alam kung paano sabihin.
Maya't maya lang, may pumasok na
