Nakaupo lang ako dito sa sun lounge habang ang mag-aama ko ay nasa swimming pool. Maganda ang panahon ngayong araw, kaya nagkaayaan ang mag-aama na mag-swimming.
Panay naman ang sipa ng baby sa aking tiyan. Gusto din atang sumali sa kanila.
Hinaplos ko ito at binulungan. "Soon, mag-s-swimming tayong anim. See you soon, baby."
Napangiwi ako dahil mas lalo pa itong naglikot.
"Excited ka ng lumabas?" Natawa ako kahit na may dalang kirot ang pagsipa-sipa niya sa loob. Nagpapakitang gilas ito. Kinukuha siguro ang aking atensyon.
Dumating si Yunnie kaya nilingon ko siya. Karga niya si baby Eurah na bungisngis.
"Hello, baby!"
Nag-abot ito ng kamay sa akin, lahat ng tao dito sa bahay ay gusto niya. Hindi siya namimili.
Kinuha ko ito. Hindi naman siya malikot kaya ayos lang na kargah
