Minulat ko ang mga mata ko at isang puting kisame ang sumalubong sa akin. Dahan-dahan kong ginala ang mata ko at napadako ang tingin ko sa lalaking nakahilig sa kamang hinahigaan ko habang hawak ang isang kamay ko. Napangiti ako.
Ginalaw ko ang kamay ko para haplusin ang buhok ni Theon na parang hindi pa ata siya nakapaligo pero amoy ko pa din ang bango nito. Nag angat ito ng tingin at nanlaki ang mata niya ng napansin niyang gising na ako. "Misis, you're awake. What do you want to eat? May kailangan ka ba? Nauuhaw ka ba?" natatarantang sunod-sunod na tanong ni Theon.
Parang may kung anong malamig na palad ang humaplos sa dibdib ko dahil sa pag alalang pinakita niya sa akin. Ngumiti ako at marahang umiling. Hinawakan ko ang kamay niya at pinaupo pabalik sa upuan niya kanina. Tumalima nam
