Nabigla ang hitsura ng amang hari nang marinig ang sinabi ni Aleexar, isa ‘yong kasulatan na kinukuha na ako ng Emperador sa pangangalaga niya. At magaganap ang mismong announcement ng aming pagsasama sa kaarawan ko na ipagdiriwang pa sa kastilyo ng emperador.
“Mahal na hari, ang kasulatang ito ay mula sa panulat at pananalita ng kamahalan. Inaasahan niyang walang magiging pagtutol sa ‘yong bahagi patungkol dito.” Sabi ni Aleexar na nakaguhit ang ngiti.
Ako naman ay nanatiling naka-royal bow sa ‘king ama at pinakikinggan lamang ang usapan.
Tumayo ang aking ama sa trono at nakita ko nang abutin niya ang kasulatan at magsalita.
“Ano man ang nais ng emperador ay magaganap. Isang malaking karangalan sa 10th palace na maipakilala si Siana bilang unang asawa niya.” Naroon ang pangamba’t kasi
