SIANA
Nang makasakay kami sa magarbong barko ng imperyo ay hindi ko mapigilang lumaki ang pagkakatuwa. Makakarating ako sa Freed Market, mas may tiyansa akong makakita ng iba’t ibang uri ng nilalang at madalas sa mga kuwentong binabasa ko ay inspirasyon ay Freed Market.
“Iyong iba takot sa lugar na ‘yon pero bakit parang tuwang-tuwa ka?” tanong ng Emperador nang makalapit siya sa ‘kin nang nasa upper deck kami. Walang nakasunod sa ‘min na Royal Knights, ganoon kasigurado ang emperador na kaya niyang protektahan ang sarili. At ganoon din kakampante ang mga royal knight sa kakayahan ng emperador.
“Kamahalan, sobrang hilig ko sa libro na may halong pantasya! At madalas nababanggit ang Freed Market,” kuwento ko, pakiwari ko nga nagniningning din ang aking mga mata. “Kahit naman marami ng
