SIANA
Ilang araw rin kaming ‘di nagkita ng kamahalan, para ring bulang naglaho ang tungkol sa balitang mananakop ang Zone 66. Para ring apoy na kaagad kumalat ang balitang nanatili ang emperador ng isang buong araw sa ‘ming palasyo. Bigla, parang naging importante akong babae at hindi ko gusto ang ganoon dahil lalo kong napatutunayan kung gaano kabasura ang ugali ng iba lalo at kinilala lang nila ako dahil sa emperador. Pero wala naman sa ‘kin na iyon.
Sa isang linggong lumipas na walang paramdam ang Emperador ay nag-aral ako ng tamang paggamit ng espada mula sa isang maestro. Bago ako humawak ng mismong espada ay pinahawak niya muna ako ng espadang gawa sa matibay na kahoy.
Nahihindik ang mga servants sa ‘king pag-aaral ng sandata. Pero sobrang gusto ko ‘yong matutunan at napakalaking
