Nakangiti ako habang naglalakad sa pasilyo ng kastilyo. Lalo yata akong nanliit sa laki nito. Nakakapagod maglakad. Tumutungo sa ‘kin ang mga tagasilbi ng kastilyo, iyong mga babaeng pag-aari raw ng Emperador—sa madaling salita, kapag nagustuhan sila ng Emperador at anakan, walang problema kasi nga pag-aari sila. Wala na rin silang karapatang mag-asawa pa ng iba oras na pumasok sila ng kastilyo—maliban na lang kung umedad na sila ng apatnapu at hindi pa rin itinuturing na babae ng Emperador saka lang sila makalalaya at makahahanap ng ibang lalaki.
Tingin ko tama talaga ang desisyon ko na dito manatili, ngayon na mas lumawak ang aking nakikita, mas malinaw sa ‘kin na hindi lang mga prinsesa ang mga kakompitensiya ko sa emperador—maging ang mga naggagandahang babae sa imperyo ay hindi pahu
