TAHIMIK lang ako habang mahinhin na sumusubo ng konting pagkain para lang masabi na kumakain ako. Ngayon lang yata ako naging mahinhin ng ganito sa tanang buhay ko, parang Maria Clara lang. Ang awkward kasi, hindi ako makakain ng maayos, dahil bukod sa ayoko ng lasa ng pagkaing nakalagay sa plato ko ay may mga mata pang nakatingin sa akin at pinapanood ang bawat kilos ko.
“Mom and Dad, huwag naman po kayong ganyan kung makatitig sa girlfriend ko. Ikaw din, Sis, stop staring at my girlfriend. Look, naiilang na sa inyo ang baby ko,” saway ni Axle sa kanyang pamilya. Marahan pa nitong hinawi ang buhok ko at ngumiti sa akin ng matamis. Kaya kahit gusto ko siyang batukan ay ngumiti na lang din ako para maiwasan ang pagka-ilang.
Yes, narito lang naman kami sa kanilang mansyon ngayon at kasaluk
