“Aanhin ang kasal, kung tulog naman ang asawa?” pangaasar ni MJ kina Bobbie at Miguel kaya nagtawanan ang lahat ng bisita. Tuloy ay agad pinisil ni Tiffany ang kanyang pisngi at inilayo sa kanilang mga kaibigan.
“Palibhasa inggit ka lang e. Tatanda ka kasing binata!” Ganti ni Tiffany at panay ang pag-aray ni MJ habang hinahampas ang kamay nito.
“Aampunin mo naman ako kapag ‘di ako nakapagasawa ‘di ba?” kunwari’y nagpaawa si MJ pero mas diniinan lang ni Tiffany ang pagpisil sa pisngi niya imbes na sagutin ang kanyang tanong.
Pulang-pula naman ang mukha ni Bobbie dahil hindi niya sinasadyang makatulog sa simbahan at takutin ang lahat. Muntik pa siyang mabansagang runaway bride kung nagkataon. Nahihiya niyang tiningnan si Miguel sa kanyang tabi na nakatitig lang sa kanya habang abot tainga
