Chapter 12
Grabe ang lakas ng ulan ngayon umaga. Balita kagabi na may bagyong magla-landfall kaninang madaling araw, at dahil nga sa malakas daw ang nasabing bagyo ay suspended ang mga klase mula sa elementarya hanggang kolehiyo. Pero kahit pa suspended ang mga klase dahil nga sa bagyo, tuloy pa rin ang mga pasok ng mga pribadong kumpanya. Pwera na lang kung magsabi ito na huwag ng pumasok o umuwi na lang ang mga empleyado nila. Kaya kahit na malakas ang buhos ng ulan pati ang hangin ay pumasok pa rin ako sa Serenity. Inagahan ko pa rin ang alis ko dahil baka matrapik ako. Hindi ko muna sinuot ang uniform ko, nag-pambahay lang ako saka tsinelas. Sa trabaho na lang ako mag-palit pagdating ko. Mabilis naman akong nakasakay pero gaya ng problema na parati ng bansa, baha sa ilang kalsada kay
