Anna
“Kamusta ang very short honeymoon, Ma’am Anna?” Tukso ni Nelle nang pumasok ito sa office ko.
“I told you. Tsaka na ang honeymoon kaya pumasok na ako.” Nakangiting sabi ko.
Pinipilit kong ipinta sa mukha ko na walang something na kakaiba sa pag-aasawa ko.
“Sabagay, marami pa naman time para sa honeymoon… Sabi mo nga busy pa si hubby.” sambit ni Nelle.
‘Yon kasi ang sinabi ko kay Marinelle, na tsaka na namin paplanuhin ang honeymoon na mag-asawa.
Kadadating ko lang dito sa office ko at dere-deretso nga akong pumasok dito matapos batiin si Nelle na kanina ay busy sa laptop. Halata kasi ang puyat ko kahit naka make-up pa ako. Hindi naman kasi ako sanay sa heavy make up kaya hindi masyadong natakpan ang paglalalim ng mata ko.
“Well, pakilagay na lang ang mga kailangan kong pirma
