الفتاه المظلومه

الفتاه المظلومه البارت الاول

و فجاه فاقت من الغيبوبه وبصتلي و قالت لي . سامحيني يا ساره مش عارفه ليه ديما كنت بكرهك . و . ديما شيفاكي احسن مني و بترضي بقليلك كنت . ديما بحقد عليكي مش عاوزه منك غير انك . تسامحيني وسكتت قلتلها انا مسمحاكي يا سعاد بس . ارتاحي

انا ساره عندي 30سنه اتخرجت من الجامعه و . اتحوزت وخلفت بنتين اتجوزت في بيت عيله كان . عندي 3سلفات وانا الرابعه بتاعتهم اول ما تجوزت . لقيت سلفاتي بيعملوني كويس جدا وانا كمان كنت . بحبهم اوي بس مي و نورهان كانوا اقرب ليه من . سعاد سعاد ديما كنت بحسها بتكرهني بس كنت بكدب . نفسي و اقول معلش غيره سلايف كانت ديما . تحب تتخانق معايه من غير اي سبب و انا كنت . بحاول ما اردش عليه لانها كانت الكبيره . حاولت ابعد عنها و اتجنبها بس هي مكنتش بتبعد . عني في يوم من الايام قالتلي تعالي اعملي معايه . حاجه في البيت اساعدها يعني متأخرتش عنها و . روحتلها و اخدت بنتي معايه مكنتش لسه خلفت . غيرها و طلعت عندها و ساعدتها في شغل البيت . وقبل ما انزل من عندها لقيتها بتصرخ باعلي صوت . في الخاتم بتاعي ياحراميه رديت عليها و قلتلها خاتم . ايه انا مشفتش خواتم قالتلي الخاتم اللي كان . علي الطرابيزه انتي اخدتيه انا متأكده قلتلها . انتي . كدابه انا مخدتش حاجه جوزها طلع علي . الصوت والبيت كله اتلم علينا وانا انهارت من البكاء . وقلتلهم والله العظيم ما اخدتش حاجه دي واحده . كذابه عاوزه تلبسني تهمه وخلاص وندمت ندم عمري . اني طلعت اساعدها رد جوزي عليها و قالها انا . متجوز واحده بنت ناس مش حراميه روحي . ياستي دوري علي حاجتك بعيد عننا ردت عليه بكل . بجاحه و قالتله لاء مراتك حراميه وانا متاكده انها . اخدت الخاتم بتاعي ولو مش مصدقني فتشوها رد . جوزي و قالها منك لله بس هقولك ايه مراتي اللي . غلطانه انها طلعت لواحده زيك تساعدها و مرضتش . تزعلها بالرغم من اللي انتي عملاه فيها و ديما . بتتخانقي معاها رديت عليهم وقلتلهم انا واثقه في . نفسي وعارفه اني ما اخدتش حاجه طبعا سلفاتي . التانيين مي ونورهان بقوا مذهولين من الموقف و . قالولها عيب ياسعاد احترمي الناس اللي واقفه ساره . من يوم ما اجت البيت ده مشفاش منها اي حاجه . وحشه في حالها ديما ومش بتقول كلمه تزعل حد . ردت عليهم والغل في عينها والشر مالي وشها . قالتلهم . ما انتوا كلكم زي بعض بتكرهوني و بتحقدوا عليه عشان انا ام الصبيان ومستوايه احسن منكم . طبعامسكتتش غير لما قلتلها فتشني يا سعاد وانا . واثقه في نفسي كنت لبسه قميص بجيب ملقيوش في . حاجه اما مكه بنتي عمرها سنتين كانت لابسه . چاكيت وليه جيوب وحطت ايدها في جيب الجاكت . لقيت الخاتم معرفش دخل جيب بنتي ازاي ولا امتي . كل اللي فكراه ان بنتي هي خدتها مني تشيلها وانا زي الهبله فكرتها بتحبها لكن معرفش ان هي . ممكن تعمل فيه ده كله وتلبسني تهمه سرقه كله وقف . ذهل من المنظر وفي اللي قالها انتي اللي اكيد . حطاه وفي اللي متكلمش اما جوزي قال انا . واثق ومتأكد ان ده ملعوب انتي عملاه في مراتي لكن انا عرفها وزمتأكد منها جوزها بقي مكنش ليه كلمه . عليها عمره ماقلها عيب ع حاجه لو ولعت البيت . سيبها . . نزلنا بيتنا وانا منهاره من العياط و جوزي . قالي حقك عليه ضعفي وقله حيلتي مخليهم ديما . مستقلين بينا لكن اوعدك ياساره اني عمري الجاي . هعمل كل اللي اقدر عليه وهنبقي احسن منهم ومسح دموعي وقالي خلاص بقي تعالي افسحك قلتله لاء . مش قادره عاوزه انام قالي براحتك نزل هو الشغل . وانا دخلت اتوضيت وصليت ودعيت ربنا و قلتله . يااارب انتي شايف وعارف اني معملتش حاجه . استاهل بيها كل ده لكن اكيد ما بعد الصبر الا الجبر . اكيد ياارب هتجبرني وهتجبر خاطري في يوم من . الايام وكل اللي ظلمني يتظلم وانتي حسبي ووكيلي . يارب ودخلت نمت وانا عنيه مليانه بالدموع و الحزن حماتي مكنتش في البيت اليوم ده و لما . اجت تاني . يوم و عرفت طلعتلها و اتخانقت معاها . و جتلي . تراضيني لان حماتي عرفاني و واثقه فيه . قلتلها يا ماما انتي تصدقي فيه كده قالتلي لاء . يابنتي بس ارمي حمولك علي الله وملكيش دعوه . بسعاد خالص سبيها ربنا شيلك الخير سمعت كلامها . و فضيت دماغي من ناحيه سعاد خالص و بدات . افكر ازي اخلي جوزي احسن منهم كلهم اقترحت . عليه ندخل في جمعيه ونقبضها ونبدا بيها مشروع و . با لفعل احمد . جوزي وافق وكان ليه صديقه . مقربه مني اوي . بتعمل جمعيات اتصلت عليها و . قلتلها ازيك يا . سميه قالتلي ازيك يا ساره عامله ايه . فينك يابنتي . مش بشوفك ليه رديت عليها و . قلتلها والله يا سميه . انتي عارفه البيت ومكه لوحدها واخده كل وقتي . ردت سميه وقالت ربنا يعينك . ويخليهالك قلتلها يا . سميه انتي لسه بتعملي جمعيات قالتلي اه ليه عاوزه . تدخلي معايه رديت عليها . وقلتلها ايوه ياسميه عاوزه . ادخل معاكي قالتلي . ماشي بس اصبري شهرين لحد . ماتخلص ونبدا تاني . من الاول قلتلها حاضر وطبعا. قعدنا نتكلم كتير عن . حياتنا وبيتنا واولادنا . والمشاكل . اللي بنشوفها . وقفلنا واجي احمد قلتله . احمد انا كلمت سميه سألتها علي الجمعيه قالي .و بعدين هي قالت ايه قلتله . وافقت بس لسه شهرين . عشان الجمعيه تبدا رد . احمد . وقالي ماشي ربنا يسهل دخلت المطبخ احضر . لاحمد الغدا لكن وانا داخله . المطبخ اتزحلقت و رجلي . ات**رت صرخت قلتله . الحقني ياحمد رجلي احمد اجي يجري عليه حاول . يشلني ويخرجني من . المطبخ لكن انا كنت علي صرخه واحده رجلي . ات**رت احمد نده علي مي ونورهان . نزلوا جري . قالوله لازم نوديها المستشفي لان رجلها . ورمت اوي . يا احمد احمد طلب واحد صاحبه بعربيه و اخدني. وزنزل وزعلي المستشفي والدكتور كشف . عليه . و قاله لازم عمليه احمد قالي متشليش هم . حاجه هتتحل من عند ربنا سيبيها علي الله قلتله بيع . دهبي يا احمد ومتاخدش فلوس من حد احمد رد عليه . وقالي قلتلك سبيها علي الله بكيت جامد اوي . و دعيت ربنا و انا في شدتي يف*جها عليه ويفك كربه وخرج احمد من عندي واتصل علي ماما وجاتلي وقعدت جنبي وقالتلي بصي يا ساره يا بنتي ربنا لما . بيحط حد في مشكله او كرب تعرفي بعدها انا ربنا شيله خير كتير اوي ديما الكلام ده كان بيطمني . وبيخلي عندي امل و يقين في الله انه مبيرضاش . بالظلم الحمد لله احمد ليه واحد صاحبه مسبناش . ووقف جمبنا و دفع الفلوس بتاعت العمليه وخرجت . من المستشفي وروحت بيتي و ماما اجت قعدت . عندي . لحد ما اقوم بالسلامه قعدت شهور ممشيش . علي رجلي و واحده و احده بدات اتحسن والحمد لله . مشفتش سعاد ولا بتجيلي و لا انا عاوزه اشوفها . كل . واحد في حاله خفيت و مشيت علي . رجلي و رجعت . طبيعيه زي الاول الحمد لله احمد . اتبهدل معايه جامد وكان كل الفلوس اللي بيشتغل بيها راحه ع العلاج والدكاتره طبعا صحبتي سميه اعتزرتلها ان مقدرتش اوفي كلمتي وندخل في الجمعيه لكن هي ونعمه الصديقه قالتلي اللي انتي عوزاه ياساره جمعيه ايه اما تقومي كده بالسلامه ابقي ادخلي معايه ياستي الايام جايه كتير الحمد لله احمد بدأ يسدد الفلوس اللي صاحبه دفعها للعمليه وبدانا نفكر تاني في مشروع بس ديما كل ما نبدأ نفكر في مشروع نلاقي حاجه بترجعنا وره شويه شويه . بدات احس بحجات غريبه بتحصلي تعبانه ديما وعندي صداع وبدات اخس اوي واحس في حاجه. غلط كشفت كل ما اروح لدكتور يقولي مفيش حاجه . انتي تمام ووشويه ادويه وخلاص بس انا كنت حاسه . بنفسي اني مش تمام خالص اخر حاجه جوزي جابلي شيخ قرألي قرءان وقال اني مأذيه اذي جامد . اوي وعملي كذا جلسه علاج بالقرءان حسيت نفسي . بدات اتحسن شويه بشويه بعد كده في يوم من الايام كنت مخنوقه شويه وواقفه في الشباك وسمعت صوت سلفتي بتتكلم في التليفون وبتقول ايه ياراجل انت هو انت معنتش مركز ليه امال بتاخد فلوس علي الفاضي مني ولا ايه بقولك ايه شوف شغلك احسنلك بدل ما ادور علي حد تاني غيرك و هو اولي بالفلوس دي منك خفت ودخلت بسرعه وانا جسمي كله بيترعش وقلت في نفسي ياتري بتكلمي مين يا سعاد وفي ايه بينك وبين اللي بتكلميه ده جريت اتوضيت و صليت ودعيت ربنا يحصني من اي حاجه وحشه عشان خاطر بنتي شويه و اجي احمد سلام عليكم يا ساره رديت عليه بصوت مخنوق وخايف و قلتله وعليكم السلام بصلي و قالي مالك ياساره شكلك فيكي حاجه قلتله بصراحه يا احمد انا خايفه اوي رد احمد وقالي من ايه قلتله من اللي اسمها سعاد قالي بتجيبي سيرتها ليه ما احنا في حالنا وهي في حالها قلتله لاء يا احمد هي مش سيبانه في حالنا قالي ليه عملتلك حاجه و انا غايب قلتله لاء بس انا سمعتها بتتكلم في التليفون مع واحد وبتقوله عن حاجات غريبه كده رد احمد و قالي خاجات غريبه زي ايه وراجل مين قلتله معرفش راجل مين لكن قلتله علي اللي سمعته وقلتله حساها عملالي حاجه قالي يا ساره سبيها علي الله ربنا مش هيأذيني ابدا وقل لن يصيبنا الا ما كتب الله لنا سكت وخلاص ورميت حمولي علي الله ولكن بعد ايام . بدأ يحصلي حاجات غريبه احس ناحيه احمد بالكره مش طيقاه بقيت عصبيه اكتر الاوقات مش عارفه كان مالي ساعات اكون كويسه و ساعات تانيه مش طايقه اي حد حواليه وزادت المشاكل بيني و بين احمد خلاص عاوزه اطلق كل ده وانا متأكده ان اللي انا فيه غصب عني جوايه حاجه مسيطره عليه مش عاوزه تخليني افكر واسيطر علي نفسي ناحيه بيتي و جوزي و بنتي اللي ديما بقت تعبانه بسبب اهمالي فيها لكن في يوم قلتله خلاص انا هروح عند ماما يومين اهدي اعصابي واقعد مع نفسي شويه قالي روحي و بالفعل اخدت شنطه هدومي و روحت عند ماما و و صلت عند بيتنا دخلت ازيك يا ماما... ماما ردت عليه قالتلي ازيك يا ساره مالك ياحبيبتي انتي متخانقه مع احمد و لا ايه قلتلها لاء يا ماما انا جيت اقعد معاكي شويه قد يومين كده قالتلي و ماله يا بنتي بس انا حاسه انك متغيره مش انتي ساره بنتي مالك ياحبيبتي فيكي ايه اترميت في حضن امي وقعدت اعيط بشده قلتلها يا ماما مش عارفه حاسه اني تعبانه اوي ومش قادره اكمل قالتلي يا بنتي اللي بيستسلم وييأسس هو ده اللي ممكن سهل يتأذي لكن اللي واثق في رحمه ربنا عليه وعارف و متأكد ان ربنا معاه ومش هيأذيه ده اللي مستحيل يتأذي لو اجتمع عليه الناس كلها ركزت في كلام امي وعرفت اني فعلا بعدت عن ربنا الفتره اللي فاتت مش عارفه ليه معتش بصلي ولا اقرء قرءان زي الاول ماما قالت ليه قومي يابنتي غيري هدومك و اتوضي و صلي ركعتين لله وادعي ربنا يقف جنبك قومت وسمعت كلام امي اللي ديما كانت با لنسبه ليه مص*ر اماني بعد ربنا هي و احمد انا مليش غير اخ واحد حسام مسافر بره بيشتغل و متجوز و بينزل اجازات كل فتره كده ميعرفش اي حاجه عن اللي انا فيه لحد مافي يوم ماما تعبت اوي و كان لازم تدخل المستشفي كنت لوحدي مش عارفه اتصرف ازاي لقيت نفسي بتصل علي احمد بقوله يلحقني.احمد جالي و وقف جنبي و معايه انا و امي و مسبنيش لكن برضه مش قادره احدد انا عاوزه ايه ..المفروض اني لازم اجيب هدووم من البيت فا احمد قالي عاوزه ايه وانا اجيبلك قلتله انا هجي معاك اجيب مكه كنت سيبها مع بنت خالتي ..روحت مع احمد البيت وكنا بليل واحنا ماشيين قلتله يا احمد نفسي ازور قبر بابا وحشني اوي قالي دلوقتي قلتله اه دلوقتي قالي طيب الصبح قلتله لاء دلوقتي وصممت احمد سمع كلامي ووداني هناك وفجأه لقينا راجل بيدفن حاجه جنب القبر خفت اوي وقلتله مين ده و بيعمل ايه هنا رد احمد عليه وقالي مش عارف تعالي نشوفه قلتله لاء بلاش تعاله نروح احسن قالي يا ساره انا مبقتش فاهمك مالك فيكي ايه رديت عليه وقلتله ولا انا كمان فهمه نفسي ..سمع كلامي و و روحنا و رحنا البيت لقينا مايه قداام باب الشقه استغربنا وقلنا ايه ده لكن انا خفت اوي وبدأت الامور عندي ترتبط ببعضها كل حلقه بتكمل التانيه حاولت انا واحمد منعديش من فوق المايه دي غير لما نقرء قرءان ودخلنا البيت جبت الهدووم ولقيت احمد بيقولي ليه يا ساره قلتله ليه ايه قالي ليه عاوزه تسبيني وتتطلقي قلتله مش عارفه قالي في واحده متعرفش عاوزه تتطلق ليه قلتله انا .انا مش عارفه عاوزه اطلق ليه قالي انا زعلتك يابنت الناس اسلوبك بقي غريب مبقتش فاهمك و لا عارف مالك مش انتي ساره اللي حبيتها و اختارتها من وسط كل البنات رديت عليه وعنيه كلها دموع وقلتله انا مش طبيعيه يا احمد انا حاسه نفسي مش انا . . .انا بقيت وقطع كلامي واخدني في حضنه وطبطب عليه وقالي عمري ما هسيبك يا ساره انتي مش بس مراتي انتي اختي و امي و بنتي و كل حاجه انتي دنيتي فاهمه و مش هسمح لحد يأذيكي مهما كان ونزلنا عشان ماما لوحدها في المستشفي خالاتي بيجوا و يمشوا .. وعدت الايام وانا في المستشفي مع ماما اغمي عليه ولما فقت لقيت احمد جنبي وبيقولي مبروووك ياساره انتي حامل قلتله باستغراب حامل قالي مالك يا ساره مش شيفك فرحانه ليه قلتله ابدا و الله انا فرحانه لكن جوايه احساس الخوف لسه مأثر عليه . . .ماما بقت كويسه وخرجت من المستشفي والحمد لله . حسام كان نازل اجازه 3 شهور روحت علي بيتي ومحدش لسه في البيت يعرف اني حامل حتي مي و نورهان ميعرفوش لكن كانت المفاجأه اللي خلت احمد عرف في ايه احمد كان راجع من الشغل بليل ولقي سعاد واقفه مع واحد وبتديله فلوس وبتكلم معاه و بتقوله هو انتي دفنت العمل جنب قبر ابوها قالها اه قالتله بس اعمالك كلها بقيت زي قلتها طلبت منك عمل بالطلاق و الخراب و اهي قاعده فوق في بيتها مطلقتش قالها انا بعمل علي قد فلوسك قالتله اعمل و انا اد*ك اللي انت عاوزه.وهنا اتصدم احمد وصدق كل كلمه قلتهاله هو لما طلع حكالي قلتله يا احمد ملناش قعاد في البيت ده قالي طيب و امي لو مشيت ممكن يجرالها حاجه انتي عارفه انها ملناش غير انا و اخواتي قلتله ناخدها معانه والله هشيلها في عنيه بس نمشي من هنا ابوس ايدك يا احمد قالي يا ساره الموضوع مش سهل لازم اول ندور علي شقه ونشوف حد يأ اجر دي عشان ناخد من هنا ندفع هناك انتي عارفه الظرووف وانتي كمان حامل ولازم نحوش قرشين عشان الولاده قلتله هي الولاده فين واحنا فين لسه بدري قالي حاضر بس بالصبر سبيها علي الله ديما كانت مش مفارقه لسانه الكلمه ديه عدت الايام واحمد راح عند قبر بابا واخد معاه شيخ وطلع العمل المدفون بس كل يوم حالتنا بتسوء اللي جاي رايح علي الدكاتره والعلاج مفيش فلوس ولا اي حاجه طبعا مقدرتش ادخل مع سميه صاحبتي في الجمعيه نظرا للظروف اللي احنا فيها احمد لسه ايه تاني احنا طلعنا العمل ومواجهنهاش باي حاجه خوفا تعمل حاجه تانيه بس ديما كنت بقول ربنا شايل خير كتير اوي لينا عدت الايام والليالي واحمد قالي لازم اسافر اشتغل لان العيشه هنا مبقتش نافعه قلتله وانا ومكه واللي في بطني هتسبنا لوحدنا قالي يا ساره اعمل ايه هتقدي مع مامتك وتبقي تيجي الشقه من وقت للتاني

وتشوفي ماما قلتله لما قلتك نعزل رفضت عشان مامتك متبقاش لوحدها دلوقتي عاوز تسيبنا كلنا و تسافر قالي خلاص خليني قاعد مبقتش عارف ااكلكم يا ساره اعمل ايه قلتله هتقعد هنا وهتشتغل وهتسيبها علي الله مش دي كلمتك اللي ديما بتقولهالي يا احمد سكت ومعتش رد عليه وانا سكت بس كنت مصممه ان احمد ميسافرش ويسيبنا احمد جاه في يوم مهموم وحزين قلتله مالك يا احمد قالي المصنع اللي انا شغالي فيه اتحرق بكل الخشب اللي فيه قلتله وبعدين يا احمد حد جراله حاجه من الناس قالي لاء الحمد لله ستر الله سكت ووقفت عند كلمه ستر الله فعلا ستر الله ملازمنا لحد دلوقتي ستر الله هو الامان قلتله قوم يا احمد غير هدومك وكلك لقمه وهتدبر قول يااارب بعد كام يوم صاحب المصنع قالهم كل واحد يشوف حاله في مكان تاني لحد ما اظبط اموري انتوا شايفين مفيش بايدي حاجه احمد جه وقالي قلتله يا احمد انا هشتغل واساعد قالي لاء ورفض بشده قلتله هشتغل وهساعد في البيت قالي قلتلك لاء لما امووت اعملي اللي انتي عوزاه قلتله بعد الشر عند بس يا احمد عاوزه اساعدك شيفاك تعبان والشغل مش عيب قالي قفلي علي الموضوع ده خلاص مش هعرف اكلك انتي والبت ولا ايه سكت و قومت حضرت الغدا لاحمد اكل من غير نفس ودخل ينام فجأه تعب اوي مني بليل وندهت علي اخواته ينزلزوا بسرعه يودوه المستشفي لكن كان قضاء الله وقدره ان احمد يمووووت مات احمد وسبني لوحدي بمكه واللي في بطني اللي محدش كان يعرف لسه اني حامل منهم عدت الايام وحسام اخويه قرب يسافر خلاص وقالي هتعملي ايه ياساره قلتله هقعد في بيتي ياحسام وهبقي اروح من وقت للتاني اقعد مع ماما لان مينفعش اسيب شقه اولادي حسام اداني فلوس وقالي هبعتلك من وقت للتاني متشليش هم حاجه قلتله كتر خيرك ياحسام بس انا ناويه اشتغل واصرف علي بناتي حسام رفض وقالي انتي حامل ياساره و مينفعش تشتغلي روحي اقعدي مع ماما وانا هبعتلك مصاريفك طاوعته عشان مكنش عندي استعداد اتكلم كتير لاني مبقاش عندي طاقه للجدال مع اي شخص سواء هو صح او غلط حماتي ماتت بعد احمد بشهر واحد كانت تعبانه واحمد بالنسبالها كان الهوا اللي بتتنفسه ربنا رحمهم هما الاتنين من الدنيا بس سابوني لوحدي مكنتش لسه قولت لحد اني حامل قررت اقول لمي و نورهان اني حامل قالولي ازاي قلتلهم ازاي ده ايه حامل من قبل ما احمد يمووت صححوا كلامهم لانهم واثقين فيه وقالولي ياساره مش قصدنا حاجه طبعا الست سعاد عرفت وقالت عني كلام وحش اوي اشمعنا الحمل مبانش غير دلوقتي كل ده كنت بسمعه من جيراني وانا رايحه الشغل لاني اشتغلت في محل بيع ملابس صاحبته كانت ست جدعه وطيبه وجوزها كان راجل محترم الناس بدأت تردد كلام سلفتي لانهم ميعرفونيش وعدت الايام والحمل بدأ يتعبني اوي قعدت عند ماما اليومين دوول عشان اسيب معاها مكه بدل ما كل يوم اعدي اوديها وارجع علي بيتي كل ده واحمد مفارقش قلبي وعقلي ولا يمكن انساه بقيت اقعد مع نفسي خلاص سعاد اكيد كده ارتاحت لما احمد مااات ما انا بقيت من غير ضهر ولا سند يالا الحمد لله جه ميعاد الولاده وخلفت ماليكه احمد كان ديما بيقولي لو بنت هسميها ماليكه .

.نكمل البارت التاني. .