“Ayan ka na naman, Roze! Umuulit ka na naman,” muling hindi makapaniwala si Ryker sa pagbabago ng ugali ng anak niya. “Pinatigil ang laro kanina dahil sa’yo. Ano bang ginawa sa’yo ni Ariela at parang galit na galit ka sa kanya? Sabihin mo lang, ako na mismo ang kakausap sa kanya na tigilan ka.”
Kasalukuyan silang nasa opisina ni Ryker, sa pamamahay nila. Habang si Fairoze ay nasa tabi ni Roze, hinahagod ang likod nito. Samantalang si Iza ay nasa kwarto niya. Gusto niya mang samahan ang kapatid niya ay hindi niya naman magawa dahil lumalayo rin ito sa kanya.
“Roze, anak…” pakiusap na ni Fairoze. “Sabihin mo na sa amin. Magulang mo kami kaya dapat alam namin ang nangyayari sa’yo. Nandito kami ng Ama mo para matulungan ka.”
Bahagya namang lumayo si Roze sa kanila. Tumayo na ito habang k
