Inakbayan ng binata ang kasintahan at inilapit sa dibdib niya. Naupo sa kabilang bahagi ng sala ang magkasintahan, natatawa na lamang si Mang Ramon dahil parang bagong kasal ang mga ito na halos di mapaghiwalay at palaging magka holding hands at panay ang yakap ng kanyang anak anakan.
Base sa naulinigan niya pagdating kanina ay malalim na ang relasyun ng dalawa. Sana lamang ay sa kasalan nga mauwi ang lahat. Sabik na din siyang magka apo, tumatanda na siya at nais niyang maiwan na maligaya ang binatang itinuring na niyang parang tunay na anak.
Matapos ang balita ay nagtungo si Mang Ramon sa kusina at nagluto ng ulam habang sina Yvonne naman at Edward ay nagpatuloy sa panunuod ng television. Di nagtagal ay tinawag na sila ng matanda upang maghapunan. Matagal na ring hindi nakakasalo ni
