Agad humiwalay sa isa’t isa sina Eric at Yzekiel pagkarinig sa boses ni Yzabella. Kapwa silang nagtamo ng putok sa labi at magulo ang mga damit ngunit tila walang nangyaring tumayo sa magkahiwalay na sulok ng pinakasala ng VIP room.
“Dios por Santo! Anong ginagawa ninyo?”, hindi makapaniwalang turan ng dalaga habang palipat lipat ang tingin sa dalawang may putok sa mga labi. Si Eric ay tahimik na kinapa ang medyo duguang labi habang hindi makatingin ng direcho sa dalaga samantalang tila galit pa rin ang expression ni Alkins habang nakasulyap kay Eric. Hindi naglaon ay nagtanggal ng maskara si Alkins at tumambad ang mukha ni Yzekiel.
“Kuya?”, hindi makapaniwalang turan ni Yzabella. Nagulat siya sa biglaang pagpapakita ng kapatid ngunit agad din siyang nasiyahan dahil ligtas ito at kasama
